خاقانی
بیلدیــم‌کــی بو نـازوندان بیر لحظه دایانمازسان
کونلومــده اولان درده هـرگیـز سن اینـانمازسان
معنــاسی نه دیـر دوشسم تورپاغیوه ذیلـت له؟
اؤپـسم ده ایاغوندان بیـــر حالیمـــه یانمـازسان
سـوز وئــرمیشدون کامــه آمـما بــو نه تئز لیکله
بیـر عومورگئـچیب گئـتدی، اوزوعده وی دانمازسان
من اؤلمه‌لی اولسامدا، باری سـن اؤزون اولـدور
لاکـیـن بیلـیـــرم لطفـون قــــانیـمه بـولانمازسان
خاقـانی‌نین هرده‌ن بیر دؤیدون قاپی‌سین‌گـؤردون
قان‌منزلـی‌نی باسـمیش،قـاچدین‌داها آنمازسان
خاقـانـی‌اؤز عشقوندا ثابیت قدم اول جان قوی
باش گئتـمه سه بو یولدا وصلینی قازانمازسـان
